…
حنّا شمع
ايامنا تحرق بعض
تمضي وتمر
وبعد العمر.. ما في عمر
…
يا صاحبي
لو ماتت الشمعة معاك..لها عذر
موتها يصبح الذ
هي تنتظر.. بعض العمر
انت العمر
..
ما زلت واقف
انتظر..انك تمر
اكحل عيوني بجمر
وتصير ايامي سنين.. عيّت تمر
وطعمها يصبح أمر
وانا انتظر
وما تمر
ليتك تمر
..
تطلع معي ليلة.. القمر؟
واصير انا سيد النجوم
ويمشي على صدري السحاب
وارتب نجوم السما.. بأشكال نحلمها سوا.. بصيغة أمر
…
واكحل عيوني معاك
بـ ورد ومطر
غيمة تغير حالتي
وتملا شراييني حياة
ونعيد مع بعض العمر
عسى تمر
** ** **
قرأت يوما
كلمات سريعة
استرقت النظر اليها من على قصاصة ورق في مكتب احدهم
اعجبتني وكتبت اطرافها
ووجدتها لاحقة منشورة في الجريدة
** ** **
الشمعه… أمل
والشمعه معناها… ملل
والشمعه – عند أهل الهوى – هي
انتظارات المحب…
إللي انترس قلبه علل،
والشمعه كلمه واضحه
تنقال لكن في خجل
والشمعه فكره حايره
مـ تْرتبتْ…
كادت… وحرّكها الهوا
والشمعه مركب من خشب
كل الصواري تنكسر
إن قط مرساته ووصل!
يا قلبها من خيطْ مضفور بـ غزل
حِنْ يا هوا
هذي الوحيده الساهره
هذي الرقيقه الحالمه… … ما تحْتمل
• * * *
كل المعاني جايزه
و كلّن حَسَبْ…
ما يعتقد قلبه ويحب…
و حنّا… … شمع.
——
u made my day
have a lovely day, filled with smiles like the one painted on my features, when i read ur post
المشكلة عندي بانتظار المحبين، هل يدري الطرف الثاني بهالانتظار؟ و هل لهم يد او حيلة على هالانتظار؟ فيني علة اني ما احب القصص المعلقة
ما احب الناس يبقون معلقين
الانتظار قاتل
و الامر منه لما تجهل من تنتظر .. او ما تنتظر ..