أنظر… لهذا البلد
وأقول… آهٍ… آه
الرجل… أصبح ولد
والذيب… أصبح شاه
يا رفقتي… ما نولد
ذاك… اللي أتمناه
اللي… إذا ما اجتهد
كل الشعب… وياه

***

أنظر… وأقولن عجب
الحر… أصبح بوم
يا… للزمان الصعب
عصعص… غدا بزلوم
عصعص… يقود النخب
مع… رفقته الرخوم
رحمه… على من ذهب
ما شاف… هذا اليوم

***

كيف تنتهك… رغبتك
من ربعك… أو قومك
وذاك… الذي ساندك
أصبح… هو يلومك
يا حيف ضاع… سندك
اليوم… مو يومك
ضيم الزمان… ادركك
ارجع لمضمومك

***

رجعت… للي مضى
وجدت… بعض أصحاب
أحدٍ… سوى واستوى
يخشى… أسود الغاب
واحدٍ… كفى واكتفى
يخشى… قريص الناب
واحدٍ… يقدم فدا
روحه… فدا الأصحاب

***

قليل… منهو رهن
روحه… لجل مبدأ
وين ذاك… من ارتهن
روحه… لجل نبدأ
وين ذاك… وقت المحن
يعطينا… المبدأ
اللي… لا زاد الشجن
وضح… لنا الأجدى

***

يا ربوعنا ما بقا…
يا ربوعنا ما بقا…
شيٍّ… أبا أقوله
الكلمة… صارت بغا
الكلمة… مغلوله
ما باقي… إلا الهبا
ما أريد أنا… أنوله
عذري ترى… ما بقا
شيٍّ… أبا أقوله

***

نايف حمدي الحربي
جريدة الجريدة